Gaur egingo da Portu auzoko jaietako ikur bihurtu den ekitaldietako bat: asto karrera. Ikur bihurtu da, bai, 63garren urtez egingo baita.
1951n egin zen aurreneko aldiz, eta ordutik ez du etenik izan. Hori bakarrik ez. Urtetik urtera, ikusmin haundiagoa sortu du. Auzotarrek hartzen dute parte normalean, Itziarko astoen gainean. Gehientxuenak, gainera, mozorrotuta ateratzen dira. Helburua izaten da asto gainean auzoari buelta ahalik eta azkarren ematea, astoak nahi badu!
Jende berriari deia
Partehartzaileetako batzuk, astoak bezain egoskor jarrita, errelebo eske ari dira. 63 urtez ospatu den karrera honetan jende berria espero dute, aurten eta aurrerantzean.