Txupinazoa bota bezain laster, umeentzako hasiko da festa lehenengo, Ergobian. 17:00etan hasiko dira festak, eta 17:30etan jolasak, sariak eta puzgarriak izango dira gaztetxoenen gozamenerako. Eta segidan, txokolate eta txurroak.
Iluntzean, berriz, gaur bertan eta astelehenean egingo diren proba edo dematako partehartzaileak pisatuko dituzte, eta segidan, oilasko jatea egingo da. Ikuskizunak gaueko ordu txikiak arte luzatuko dira, zezensuzkoa, gizon-emakume proba eta Oihan Vega DJ-ak girotuta. Bihar, etzi, eta astelehenean jarraituko dute festek.
EGITARAUA, gaur
17:00 Txupinazoa!
17:30 Haur jolasak, sariak eta puzgarriak.
19:00 Txokolate eta txurroak.
20:00 Pisaketa, asteleheneko idi-demako idiena, eta gaur gaueko gizon eta emakumeena.
21:30 Oilasko jatea Estancon.
23:30 Zezensuzkoa.
24:00 Gizon-emakume proba. Ergobiako 6 mutil eta Astigarragako 4 neska eta 4 mutil.
01:30 Oihan Vega DJ-a.