Goizean bertan nabaria izango da jai-giroa Portu auzoan. Izan ere, 10:00etan haurrentzako marrazki eta pintura lehiaketa hasiko da, eta 11:00etatik aurrera jolasteko aukera izango da ohe elastikoetan, ollan, puzgarrietan...
Hala ere, eguerdiko 12:00etan lehertuko da festa, lehenengo etxaferoen eztandarekin batean.
Iluntzeko 20:30etan sardin-jate herrikoia egingo da; aurtengoa, 24garrena da.
Umeak protagonista
Gaurkoa, bereziki umeen eguna izango da. Arratsaldean ere izango baitute aukera parkinean jolasteko eta jolasetan parte hartzeko ere. Gero, txokolatada izango dute.
Sardin-jate herrikoia
Eguneko beste ekitaldi fuertea sardin-jatea izango da, 20:30etan. Aurtengoa, 24garren edizioa izango da.
Festak igandera arte luzatuko dira.
EGITARAUA, gaur
10:00 Marrazki eta pintura lehiaketa.
11:00-13:30 Haurren parkina: puzgarriak, ohe elastikoak, olla...
12:00 Jaien hasiera.
13:00 Marrazki erakusketa.
16:00-19:00 Haurren parkina: puzgarriak, ohe elastikoak, olla...
17:00 Haur jolasak: zaku karrera, lokotxak, aulki jokoa, ura eta irinaren jolasa...
18:00 Lorontzi lehiaketa.
Ondoren, txokolatada.
20:30 Sardin-jate herrikoia.
23:00 Kontzertuak: Broken, The Zepo eta BH Roja.