Palan aritu nahi duten gaztetxoen ordutegiak jarri dira ikasturte berrirako; urritik ekainera bitarterako. Eskola kirolean parte hartzen duten benjaminek (Lehen Hezkuntzako 3 eta 4 mailetako ikasleek) ostiraletan izango dituzte entrenamenduak Elizatxo ikastolan, arratsaldeko 17:30etatik 18:30etara. Alebinek (LHko 5 eta 6 mailetakoek), lehenengo hiruhilekoan (urritik abendura), astelehen eta asteazkenetan entrenatuko dute kiroldegiko frontoian, 16:45etatik 17:45etara. Eta eskola kirola bukatuta, otsailetik aurrera, astearte eta ostegunetan emango dira saioak, ordu berean. Azkenik, infantilek (DBHko 1 eta 2 mailetakoek), asteazken eta ostiraletan izango dituzte entrenamenduak kurtso osoan zehar, 15:30etatik 16:30etara. Bestalde, eskola kirolean aritu eta lehenengo bi postuetan sailkatzen direnek Gipuzkoako txapelketa jokatuko dute bigarren eta hirugarren hiruhilekoetan, eta astearte eta ostegunetan izango dituzte entrenamenduak.