Igandean jokatu zen Aritzbatalde frontoian Zarautz Hiria torneoko finala. Aimar Olaizola eta Ibai Zabala izan ziren garaile, Irujo eta Zubietaren aurka, 22-17. Partiduaren aurreneko zatia nahiko berdinduta joan zen, baina bigarrenean aurrea hartu zuten Olaizolak eta Zabalak. Aimarrek berak 15 tanto egin zituen, eta «azken hilabeteetan egindako partidu onentsuena» jokatu zuela aitortu zuen. Horrez gain, torneoko pilotari onenari saria ere eman zioten.