Izpizua, Elkano, Larramendi, Txirrita, Oarso eta Gartzia Goldarazen egingo dira konponketa lanak datozen egunetan.
Asfaltatze lanak eguraldi ona egiten duenean egingo dira, baina gaur bertan bide batzuk itxiko dira; Izpizua kalea, adibidez. Bertan, ezingo da aparkatu seinaleak jarri dituzten lekuetan, konponketa lanak egingo baitira, bereziki, Urbieta eta Nafar kaletik Kaxkora sartzeko oinezkoentzako bideetan.
Bestalde, Elkano kalean, Eroski paretik Atsegindegirako tartean ere konponketa lanak egingo dituzte, eta ondorioz, aparkaleku batzuk libratu egin beharko dira trafikoa erregulatu ahal izateko. Era berean, Txirrita kalean ere aldaketaren bat izango da, baina ez du eragin haundirik izango trafikoan.
Bihar, berriz, Larramendi kalea itxiko da, Portura jaisteko norabidean bakarrik.
Oarso eta Gartzia Goldaraz, hurrena
Asfaltatze lanak eguraldiaren menpe egongo dira. Orain arte aipatutakoak bukatuta, Oarso eta Gartzia Goldarazen ere egingo dira lan batzuk.