«Gure helburu nagusia integrazioa da, eta ateak denontzat dauzkagu zabalik»

«Ateak denontzat dauzka zabalik, Arrisala elkarteak. Eta nahi dugu bertako jendea ere joatea, ikusteko denak ez gare­la berdinak, gaizkileak. Gure artean ere, gehien-gehien­tsu­enak pertsona onak gara», dio Mohammed Debbahk, Arrisa­la elkarteko presidenteak. Orain hiru hilabete sortu zu­ten Hernanin, herrian urte pi­la bat zeramatzaten lau lagu­nek.
Helburu nagusi bat dauka elkarteak: integrazioa. Eta horretarako, «bertakoen eta kanpokoen arteko harrema­nak» sustatzen ditu Arrisalak. Ekintza asko antolatu ditu honezkero, ideia hori oinarri hartuta, eta beste asko dauz­kate buruan, hurrengo hila­be­teetan martxan jartzeko.

Futbol txapelketa, hizkuntza ikastaroak, bazkari-afariak...
Futbol txapelketa antolatu zu­ten aurrena, uztailean. Zortzi talde aritu ziren: sei Afri­ka­ko­ak, brasildarra bat eta euskal­duna bestea. Ondoren, Rama­da­na amaitu eta hurrengo egunean, bukaerako festa egin zuten Atsegindegin. 180 lagun inguru bildu ziren bertan. Eta Ramadan garaian ere, egu­nero antolatu zituzten bazkari publikoak.
Orain, hizkuntza ikasta­ro­ak antolatzen ari dira: eus­ka­ra, gaztelera, arabiera, fran­tse­sa eta ingelesa erakutsiko dituzte. Horrekin, guztion arte­ko komunikazioa erraztea bilatzen dute: «askotan, ber­ta­ko ama bat eta kanpoko bat, haurren zain daude eskolan, eta ez dute hitz egiten, ez dakitelako nola elkar komu­ni­katu. Gainera, oso garran­tzi­tsua da amak bertako hiz­kun­tza ezagutzea, haurrak hez­te­ko garaian», dio Debbahk.
Beste ideia asko ere badituzte: sukalde tailerrak, «emakumeak elkartzeko»; eta futbol talde bat ere osatu dute, beste talde batzuen kontra jokatzeko. Irteerak ere egin nahi dituzte, edonorentzat: «horrela, ziur hizketan jarriko direla, bertakoak eta kanpotik etorriak».

Zikuñagan daukate lokala, 20garren poligonoan, 4garren zenbakian. Tea hartu, errezatu edo afaltzeko biltzen dira bertan.

Ideia, gazte lokaletatik
Gazte lokaletatik hartu zuten ideia, Arrisala elkartea sor­tze­ko: «pentsatu genuen, guk ere eduki genezakeela horrelako bat, nahi genuena egiteko». Hiru bilera egin zituzten Bite­rin, bertan bizi diren atze­rri­tarrekin, eta ideia martxan jartzea erabaki zu­ten: «baina modu erregula­tu­an egin nahi genuen, kultur elkarte bezala, eta uneoro Uda­lari jakina­ra­ziz, denek ja­kin zezaten zer egiten genu­en».
Elkarte izatea onartu zietenean, lokal bila hasi zen Arrisala. Eta orduan ere, Uda­lari aurkeztu zioten eskaera. Zikuñagan aurkitu zuten, «toki on bat»: 20garren poligo­noan, 4garren zenbakian.
Bertan biltzen dira, tea har­tzeko, errezatzeko edo otor­du­ak egiteko: «20-30 pertsona bil­tzen gara, eta asteburuetan 50-60 ere bai; ekitaldiren bat du­gu­nean, berriz, ehundik gora elkar­tzen gara!». Naziotasunak anitzak dira haien artean: Ma­rru­ekos, Argelia, Mali... Eta euskaldunak ere bai. «Edozein pertsona hartzen du­gu, non­goa den kontuan har­tu ga­be», nabarmentzen du Debbahk.

Hizkuntza ikastaroak antolatuko dituzte, irailetik aurrera: euskara, gaztelera, arabiera, ingelesa eta frantsesa. Helburua: komunikazioa erraztea.

Gazteak biltzeko saiakera
Gazteak elkartean biltzeko, saiakera egiten ari da Arrisala, eta gero eta gehiago ani­ma­tzen dira, orduak bertan pasa­tzera: «bide onetik eraman nahi ditugu; erakusten diegu beraien ekintzek guztiongan dutela eragina: batek gaizki jokatuz gero, guztion irudia kaltetzen du».

Bazkide egiteko aukera
30 bazkide ditu Arrisala elkar­teak, eta beste 40-50 pertsonak diruz laguntzen dute, kuota fijorik gabe. Bazkide egiteko, nahikoa dabertara joatea. 10 eurokoa da hileko kuota.