Prest daude kanoiak Donostian, gaur arratsaldean eztanda egiteko. Arratsaldeko 19:00etan entzungo da haien burrunba hotsa, eta berehala lehertuko da festa ere, Alderdi Ederren. Momentu horretatik, zortzi egunez luzatuko da Aste Nagusia, datorren larunbatera arte. Egitaraua lepo betea dator, eta bertara hurbiltzen direnek, minuturo izango dute zertaz gozatu.
Kanoikada jotzean, musikaz beteko dira txoko guztiak: batukadak, txarangak eta kontzertuak izango dira, aldi berean, hiriko toki ezberdinetan. Eta musika ez da ixilduko, gauera arte: Iñaki Plaza, txistulari alardea, Ze esatek!, Demode Quartet...
Sagardoaren eta nekazal produktuen azokak
Hernani eta Astigarragako sagardoak ere egongo dira Donostiako Aste Nagusian. Batetik, Sagardoaren Azoka jarri du Gorenak taldeak, Katalunia plazan. Bertan izango dira, Hernaniko Altzueta, Olaizola eta Zelaia, eta Astigarragako Alorrene, Gartziategi, Gurutzeta eta Zapiain sagardotegiak. Gaur, 19:00etatik 00:00etara egongo da zabalik, eta hurrengo egunetan, 12:00etatik 00:00etara, Aste Nagusiaren egun guztietan.
Eta bestetik, Euskal Produktuen III. Azoka Berezia izango da, Loiola kalean. Egun osoan zehar egongo da zabalik, gaur hasi eta datorren larunbatera bitartean. Bertan izango dira Hernaniko Iparragirre eta Astigarragako Petritegi sagardotegiak.
Abordajea, astelehenean
Piraten abordajea da, Aste Nagusian, jende gehien erakartzen duten ekitaldietako bat. Astelehenean izango da: goizeko 08:00etan, balsak montatuko dituzte portuan, eta arratsaldeko 17:00etan irtengo dira bertatik, Kontxako hondartzan lehorreratzeko.
Su artifizialak, gauero
Su Artifizialen Nazioarteko Lehiaketa izango da aurten ere. Gauero izango dira suak Kontxako badian, 22:45etan hasita, eta urrutitik etorritako pirotekniek eskainiko dituzte beren ikuskizunak: Italia, Austria, Madril, Leon...
Azkeneko gauean, gainera, amaierako ikuskizun piromusikala emango du Valentziako Ricasa pirotekniak.
GAURKO EGITARAUA
EGUN OSOAN ZEHAR:
Euskal Herriko nekazal produktuen III. azoka berezia, Loiola kalean.
10:00-13:00/15:00-20:00 Donostiako Aste Nagusiko IV Hondartzako Errugbi Txapelketa, Zurriolan.
11:00 Eskulangintza azokaren inaugurazioa Vinuesa plazan.
18:00 Erraldoi eta buruhaundiak Urbieta kaletik Alde Zaharrera.
18:15 Goazen kanoikadara! Trinitate plazatik.
18:25 Kanoikadaren erritmoan!, zentrotik abiatuta hainbat talde.
19:00 Festa hasierako kanoikada Alderdi Ederren.
19:00 Duo Do Portu, bossa nova, Vinuesa plazan.
19:00 Sambatuak batukada zentroan.
19:00 Taupada batukada Alde Zaharrean.
19:00 Los bebes de la bulla, zentroan.
19:00 Deiadar txaranga Kontxan.
19:00 McONAK, ska Bulebarren.
19:30 Igeldoko harria. Harrijasotzaileak Trinitate plazan.
19:30-24:00 Sagardoaren azoka Katalunia plazan.
20:00-22:00 Iñaki Plaza, folk musika Kursaaleko Urumea terrazan.
20:30 XXXVII. Txistulari Alardea Konstituzio plazan.
22:45 Su artifizialen nazioarteko 51. lehiaketa Kontxako badian. Vulcano piroteknia (Madril).
23:15-02:00 Kursaal gune zabala. DJ gaua: Alex del Toro.
23:30 Zezensuzkoen entzierroa, Londres hoteletik abiatuta.
23:30 Agirren taldea orkestrarekin dantzaldia Easo plazan.
23:30 Demode Quartet, Bulebarreko kioskoan.
23:30 Ganso & Compañia: Walkman antzezlana, Gipuzkoa plazan.
23:45 Ze Esatek! Saguesen.
AUTOBUS ZERBTIZUAK: abuztuaren 9tik 16ra
Areizaga autobusak (gorriak):
Suak ikustera joateko zerbitzua:
22:00 Hernani-Astigarraga-Donostia (A2).
23:30 Donostia-Hernani (A1 eta A2).
Gau osoan, Hernanitik Donostiara:
23:30-05:30 orduro.
06:00 Gaueko zerbitzuko azken autbosua.
Gau osoan, Donostiatik Hernanira:
24:00-06:00 orduro.
Garayar autobusak (urdinak):
Hernani-Aiete-Donostia:
02:30ak arte 15 minuturo (azken irteera Donostiatik).
02:30-06:30 ordu erdiro (azken irteera Donostiatik).
* 21:30-00:15 bitartean, Donostiako San Bartolomeko geltokia (Haway). 24:30etatik aurrera Okendo kaletik.
* 22:15-02:00 Urnietaraino, 15 minuturo, eta 02:00-06:00 ordu erdiro.
Andoain-Urnieta-Hernani-Donostia:
21:45 azken irteera Andoaindik.