Hilaren 16an San Roke eguna ospatuko da Aranon. Urtero bezala, pisu haundia izanen dute txoko guztietatik gerturatutako txistulariek. Bestalde, ermitako kanpai errezitaldia entzunen da, Antonio Ezeizaren eskutik. Meza ere izanen da, eta baita herri-bazkaria ere, Kontsejupen. Bazkaritarako izenematea irekita dago dagoeneko, eta asteazkenera arte egonen da zabalik, Kontsejupen bertan. Eguna bukatzeko, Agur Jaunak joko da, 19:00ak inguruan.