Etxeberria IV eta Ionen arteko lehia bizia, final laurdenetara pasatzeko

Azpeitiarren arteko lehia bizia izango da plater nagusia gaur, 16:00etan Galarretan. Aritz Etxeberriak eta Ionek neurtuko dituzte indarrak, Buruz Buruko txapelketan, eta partidu haundia espero da. Faborito argirik ez dago, eta onena eman beharko dute biek, final laurdenetara pasa nahi badute.
Elkarrekin gauza haundiak egin dituzte Etxeberria IVk eta Ionek, aurten. Aurrena, Sagar­do­aren txapelketa irabazi zuten, Bereziartua sagar­dote­giaren izenean. Torneo bikaina egin zuten, eta nagusi izan ziren finalean, Matxin III eta Etxeberria IIIren kontra.

Duela gutxi, San Fermin torneoan txapeldun
Orain aste gutxi irabazi zuten beste torneo garrantzitsu bat, bikotea osatuz. Ezkurrarekin  jokatzekoa zen Ion, baina ha­ren lesioa medio, Etxeberria IVk hartu zuen lekua. Emaitza, ezinhobea. Txapeldun izan ziren, finalean Uterga eta Ba­rre­netxea IV mendean hartuta.
Astearte honetan bertan, elkarrekin aritu dira Galarretan, eta erakustaldia eman zuten. Baina buruz burukoa izango da gaurkoa, eta elkarren kontra jokatu beharko dute.

Biak, momenturik onenean
Sasoi onean iritsiko dira biak partidura, unerik gozoenean. Baina buruz buruko lehia ezberdina da, beste abilezia batzuk erakutsi beharko dituz­te frontoian. Aurrelaria da bat, atzelaria bestea, eta estilo diferenteak dituzte.
Ion sakea­rekin dominatzen saiatuko da, pelota arrimatuz. Errestoan la­nak izango ditu Etxeberria IVk, baina aurreko koadroetan aban­taila du. Lehia oso pare­ka­tua izango da, eta ez dago faborito argirik.

Bide ezberdinak, txapelketan
Gainera, bide ezber­dinetatik iritsi dira final zortzirenetara. Aritz Etxeberriak prebia jokatu zuen Aizpuru IIIren kontra; Ionek, berriz, estreinako parti­dua izango du txapelketan.
Bi erremontisten mailak ikuskizuna bermatzen badu, herrikideak izateak erakar­garriago egingo du partidua.

Endika Barrenetxea, binakako estelarrean
Beste hiru partidu ere jokatuko dira gaur Galarretan. Tartean, Endika Barrenetxea herna­nia­rra ariko da Urrizarekin, Jua­risti eta San Miguelen kontra. Binakako estelarra jokatuko dute, eta proba ezinhobea izan­go da Barrenetxearentzat, datorren osteguneko parti­du­ra­ko: Buruz Buruko txapel­ketan, final zortzirena joka­tuko du, Utergaren kontra.
Arratsaldeko aurreneko par­­ti­dua, Otaegi eta Larra­ña­gak jokatuko dute, Segurola eta Labakaren kontra. Eta azke­ne­koan, berriz, Ezkurra II eta Agirrezabala ariko dira, Ma­txin VI eta Endikaren kontra, arratsalde haundi bati bukaera emateko. Erremonteaz gozatu nahi duenak, galdu ezinezko zita dauka Galarretan.