Zerbitzu berria jarri du martxan aurten Dobera Euskara Elkarteak: hernaniarrek sortu, ekoiztu edo egindako produktu kulturalak erosteko aukera, Larramendi 11 kaleko bulegoan. Oraingoz salgai daude: Estitxu Eizagirreren Bertsoaren haria liburua eta DVDa, 25 eurotan; Budyren Garun paralisia daukat baina ez nago gaixorik liburua; eta Nagore Legarretaren Edipotoa liburua. Azken hauek 10 euro balio dute, baina Doberako bazkideek deskontua dute. Produktuak erosteko, Doberatik pasa behar da. Bestalde, bere produktua bertan saltzea nahi duenak idatzi dobera@dobera.com helbide elektronikora.