Hernaniko Eskubaloi Eskolak, zehaztu ditu hurrengo ikasturterako ordutegiak eta kuotak. Eskubaloi eskolakoek, ostiraletan izango dituzte saioak, 17:00etatik 19:00etara. Infantil mutilek eta alebin neskek, berriz, astearte eta ostegunetan entrenatuko dute, 18:00etan, eta partiduak igandean izango dira, normalean. Kuotak, orain artekoak: 12 euro hilean, eta bigarren hilabetetik aurrera, eskolan beste anai-arreba bat duenak 6 euro; hirugarren anai-arreba, doan. Eskubaloi eskolan parte hartu nahi dutenek, kiroldegiko bazkide izan behar dute, eta eskola kirolean apuntatu. Entrenatzaile, delegatu edo laguntzaile izan nahi dutenek, deitu 669 845 896 telefonora, edo idatzi hernanieskubaloia@gmail.com helbidera.