Hernaniko txoko guztiak ezagutzeko, doaneko bisita gidatuak

Hernaniren historian barre­na paseo bat eman nahi due­nak, aukera ezin hobea dauka udan. Udaleko turismo sailak aukera zabala jarri du edo­no­ren eskura: herria ezagutzera datozen turistentzat, edo jakin­min historikoa duten herna­niarrentzat.
Hiru plan jarri dituzte mar­txan. Batetik, Hirigune Histo­ri­koa ezagutzeko aukera es­kai­ni du. Uztailean hasi eta abuz­tuaren bukaerara arte, martxan dira bisita gidatuak, monumentu historikoak eza­gu­tzeko. Ezin dugu ahaztu, Hernaniko Hirigune Histo­ri­koa Monumentu Multzo izen­da­tuta dagoela, kultura onda­sun gisa.
Bisita gidatuak, gainera, doan izango dira. Hori bai, aurrez erreserbatu beharra dago, eta beharrezkoa izango da gutxienez bi pertsona apuntatzea, irteera egiteko.

Beste aukera, mendi irteera gidatuak
Hernani inguratzen duten paraje ederrak atsegin ditu­e­nak, beste bi aukera erakar­garri ditu: bata, Santa Barbara mendira irteera, eta bestea, Larregain inguruko monu­mentu megalitikoetara. Irtee­ra gidatuak dira biak, eta Her­na­niko Ibilbide Sarean daude sartuta.
Santa Barbara aukeratzen duenak, 7 kilometroko ibilbi­dea egingo du, Laubi­dietako bi­de­gurutzean hasita. Marra­ka ur-biltegiaren ondotik pa­sa­ta, berehala iritsiko dira San­ta Barbarako ermitara. Ber­tan ezagutuko dituzte er­mi­taren eta gotorlekuaren xehe­tasun guztiak, eta baita haien historia ere.
Ondoren, beherako bidea hartu eta, ferratokia eta Lasar­te-Oriako kanposantua ikusi­ko dituzte. Hernanira bueltan, Koronelarri izeneko harria, Sor­gintxuloko tunela eta karo­bia ezagutuko dituzte. Eta bi orduko ibilbidearen ondoren, irtee­ra puntura itzuliko dira berriro.

Turismo informazio gunea zabalik dago Biteri aurrean, abuztuaren bukaerara arte: lanegunetan goiz eta arratsalde; jaiegunetan goizez.

Bi mendi irteera gidatu daude aukeran: Santa Barbara mendiaren inguruetara eta Larregaingo estazio megalitikoa ezagutzera; biak doan dira.

Larregain, ordubeteko ibilbidea estazio megalitikoan barrena
Larregain ibilbidea nahiago duenak, berriz, 3,7 kilome­tro­ko bidea topatuko du, ordu­betean osatzeko modukoa. Larre­­gain sagar­do­tegiaren pare­­­tik abiatuko dira, eta bide­an aurkituko dituzte triku­harri eta artamugarri zenbait: Igoin-Akola estazio megali­ti­koa. Ibilbidearen erdi partean, Saratze­ta­ko lepoa aurki­tuko dute aurrena, eta Akola­ko lepoa segidan.

Taldekako irteerak, 6 eta 20 lagun bitartekoak
Mendi irteera gidatuak ere, doan izango dira, baina beharrezkoa da irteera egin nahi duen talde bat osatzea. Gutxienez, 6 lagun apuntatu beharko dira, eta 20 lagun baino gehiago ezingo dira joan, irteera bakoitzean.

Turismo gunea zabalik, Biteri aurrean
Beste edozein plan duenak, eta Hernaniri buruz edozein za­lantza duenak, aukera onena turismo informazio gunera jotzea du. Zabalik egongo da udan, Biteri kultur etxearen aurrean, abuztuaren bukaera­ra arte. Lanegunetan, goizez eta arratsaldez dago zabalik: 10:00etatik 14:00etara eta 17:00etatik 20:00etara. Igande eta jaiegunetan, berriz, goizez egongo da irekita: 10:00etatik 14:00etara. Astelehenetan ba­ka­rrik dago itxita.

Bisita gidatuetara apuntatzeko, hiru aukera
Bisita gidatuetako edozein egin nahi duenak, hiru aukera dauzka erreserbak egiteko: turismoa@hernani.net helbi­dera idatzi, 943 33 70 28 tele­fo­n­ora deitu, edo zuzenean turismo informazio gunera jo­, Biteri aurrera. Informazio gehiago ere, bide horietatik.