Gipuzkoako konposta Ekoguneko baratza ekologikoetan erabiliko da, «zikloa ixteko»

«Gipuzkoan sortutako kon­posta, Gipuzkoako lurretan era­biltzea nahi dugu», adie­razi du Ainhoa Intxaurran­die­tak, Gipuzkoako Honda­ki­nen Kudeaketaren lehenda­ka­riak. Kutxa Ekogunearekin hitzar­me­na sinatu zuten asteaz­ke­ne­an, sortzen duten konposta Ekoguneko baratza ekologi­ko­etan erabiltzeko.
Hitzarmen honen bidez, Ekogunearen Baratze Parke Sarean dauden baratzek, GHK­ren konposta izango du­te es­kura, ongarri bezala era­bil­tzeko. Horrela, «gaikako bil­ke­taren zikloa ixtea» lor­tu­ko dute, Mikel Insausti Eko­gu­ne­ko zuzendariaren ustez: «su­kal­dean sortzen den hondakin organikoa, sukaldera itzuliko da barazki forman; konpost horrekin ongarritutako baraz­kiekin, hain zuzen». Zazpi udalerri daude sartuta Baratze Parke Sarean, tartean Hernani, eta 668 baratza ekologiko.

«Kalitate oneneko konposta»
Intxaurrandietak azpimarratu zuen «kalitate oneneko kon­pos­ta» dela Gipuzkoakoa, A+ kategoriakoa. Ho­rrek esan nahi du, «gure etxeetan oso ondo bereizten ari garela».

Itxaron zerrenda, irekita
Insaustik jakinarazi zuen, gainera, Hernanin irekita da­go­ela itxaron zerrenda, Ba­ratze Parkean sartzeko, pla­zarik libre geratzen denean. www.ekogunea.net web orri­an eman behar da izena, irai­laren 20ra arte.