Andrekale deituko da Kardaberaz, Plenoak hala erabakita

Andrekale deituko da, he­men­dik aurrera, Kardaberaz kalea zena. Asteartean erabaki zuen Udaleko Plenoak, aho batez. Horrekin lotuta, onartu zen baita ere, Goiz Eguzkiko parkea Kardaberaz deitzea, kale­aren izena hartuz.
Berdintasun Kontseiluak aurkeztu zuen proposamena, aurreko plenoan, baina azaldu zuen alderdi guztien ados­ta­su­na nahi zuela, izen-aldaketa onar­tzeko. Pleno hartan, pun­tua ez zen bozkatu, alderdi guz­tiak ez zetozelako bat. Besteak beste, ez zuten nahi Kardaberaz izena galtzerik, eta Pleno honetarako utzi zuten.

Alderdi guztiak ados
Asteartean, alderdi guztien adostasunarekin onartu zuten izen-aldaketa, Bildu, EAJ eta PSE-EE present zeudela. Gai­ne­ra, Kardaberaz izena man­ten­duko da, Goiz Eguzkiko par­ke­ak hartuko baitu. Bi puntuak onartu ziren aho batez.
Jarraian, onartu zen Behe­mendi eta Aiako Harriako udal ordezkaria aldatzea: Begoña Zuzak hartuko du Asier San Eme­terioren tokia, bietan. Eta erabaki zen, baita ere, Udal Eraikinen garbiketa kon­tratua berritzea. Urtebetez luzatuko da, bi aldaketarekin: Lau­bi­die­ta ikastetxean eta Udal Jolas ige­ri­lekuetan, gar­bi­keta ordu gehiago egitea.

Herritarren tramiteak errazteko hitzarmenak
9 eta 10 puntuetan, proposatu zen udaletxeko Harrera Zer­bi­tzu berriarekin, erregistroa za­bal­tzea. Horrela, herritarrek Aldundian eta Jaurlaritzan pa­perak aurkeztu behar dituz­te­ne­an, Udalean egin ahalko dute, tramitea erraztuz. Horre­ta­rako, hitzarmenak sina­tzea onartu zen.
Ondoren, Palestinaren al­de­­ko mozioarekin bat egin zuten alderdi guztiek. Israelek Gazako lerroan ezarritako zi­gor kolektiboa salatu zuten, eta gelditzeko eskatu.

Puntu berri bat, gai-ordenari
Azkenik, Plenoko gai-ordenari puntu bat gehitu zioten: era­ba­ki zuten udale­txean en­ple­gu-plan bat martxan jar­tzea. Hel­burua da, admi­nis­trari la­gun­tzaile lan­pos­tuak ezaba­tzea, eta admi­nistrari bila­­katzea, prozesu baten bidez.