Postregintza ikastaroa antolatu dute Hernaniko Udalak eta Lanbidek, datorren ikasturterako. Ikastaroa egin eta gainditzen dutenek postregintzako profesionaltasun ziurtagiria lortuko dute.
420 orduko ikastaroa
Ikastaroa urriaren 6an hasi eta otsailaren 20an bukatuko da. Transpacarreko sukaldean (Latsunbe 44) emango da, astelehenetik ostiralera, 09:15etatik 14:15etara.
Guztira, 7 gai landuko dira: postregintzako eskaintzak, barne-hornikuntza eta kontsumoen kontrola; postregintzako ore eta pastel elaborazioa; postregintzako elaborazio osagarriak; orez eta pastaz egindako produktuen elaborazio eta aurkezpena; sukaldeko postreen elaborazio eta aurkezpena; helatuen elaborazioa eta aurkezpena; eta ostalaritzako segurtasuna, higienea eta ingurumena.
Ikastaroa bukatzean, 80 orduko praktikak egingo dira sektoreko enpresetan.
Hau guztia eginda, profesionaltasun ziurtagiria lortuko dute ikasleek.
70 pertsonentzako lekua
Izenematea gaur irekiko da, eta lehenengo 70 pertsonek izango dute lekua. Izena emateko Derrigorrezko Bigarren Hezkuntzako graduatu-titulua edo parekoa eduki behar da.
Internet bidez eman behar da izena: www.lanbide.net. Baina internet ez dutenek edo informazio gehiago nahi dutenek Enplegu Gunera jo dezakete (Karobieta 63), edo telefonoz deitu: 943 55 18 08 edo 943 57 54 24.