Eguraldiak ere lagunduko duela ematen du, Euskalmeten arabera. Beraz, aitzakiarik ez dago ostegunean Santa Barbarara igo eta San Inazio egun eder batez gozatzeko.
Goizean trikitilariak eta bertsolariak ariko dira, eta 12:00etan meza izango da. Segidan, herri-kirolen txanda izango da. Aurtengo bi taldeak horrela banatu dira: Imanol Paolla, Jon Larrañaga eta Axel Larrañaga batetik; eta Aitor Barrenetxea, Iñaki Ibarguren eta Garikoitz Arizmendi bestetik. Aizkoran eta lokotxetan aritu beharko dute.
Herri bazkaria egingo da ondoren, 14:00etan (txartelak salgai daude Kitto eta Aralarren, 25 eurotan). Arratsaldean, toka, haur-jokoak, txokolatada, eta erromeria izango dira.
Eguraldia enkargatzea bakarrik falta, ostegunerako
Ostegunean, San Inazio egunean, festa ederra izango da aurten ere Santa Barbarako tontorrean. Egitaraua prest dago: herri-kirolak, musika, bazkaria... Eguraldiak laguntzea besterik ez da falta.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!