Atzo gozatu ederra hartu zuten Astigarragako gaztetxoek, egun osoan zehar izan baitzituzten ludoteka, tailerrak, txirristra irristakor bustia... Asteburuan ere, Santio jaietarako motorrak berotzen hasi ziren. Baita Aranon ere.
Dena den, jai ofizialak gaur hasiko dituzte bi herrietan, eta igandean bukatu. Astigarragan bi txupinazo izango dira: eguerdiko 12:00etan txikia, Xaguxarrek antolatua eta buruhaundi, erraldoi eta txistulariek lagunduta; eta arratsaldeko 19:00etan ofiziala. Txalapartariak izango dira bertan, eta odol-emaileen elkarteko ordezkariek botako dute txupinazoa.
Aranon, berriz, 18:30etan botako dute itxaferoa, eta segidan, bonba japonesak eta buruhaundiak izango dira.
Argazki lehiaketa Astigarragan
Astigarragako Santioetan, argazki lehiaketa ere izango da, Gazte Asanbladak antolatuta. Abuztuak 3 arte bilduko dira: astiarrako.gazteasanblada@gmail.com.