Denboraldia agurtu zuten ostiralean

Aurten ere, ekaina eta uztailean zehar, futbolean aritzeko aukera izan dute 4-9 urte bitarteko umeek, Joxan, David eta Txanpiren eskutik.  Joseba Barandiaran plazan elkartu dira astelehen, asteazken eta ostiraletan eta arratsalde pasa ederrak egin dituzte futbolean arituz. Santioak hastear direnez, ostiralean agurtu zuten denboraldia. 100 bat ume elkartu ziren azken egunean. Futbolean aritzeaz gain, dominak ere jaso zituzten. Eguraldiaren eraginez, partidu bat jokatu gabe geratu zirela azaldu diote Kronikari eta ikasturte hasieran jokatuko dute ziurrenik.