Haur eta gaztetxoek gozatzeko eguna izango da gaur. Izan ere, hiru parke jarriko dituzte ekintza desberdinekin: Foru plazan, Slide jarriko dute, hau da, 10 urtetik gorakoentzako pista irristakorra. Pelotalekuan, berriz, Tringili Trongolo egongo da; hain zuzen, haurrentzako ludoteka, hondar eta galleta tailerra, kinekt pantailak eta makillajea. Eta Apeztegi plazan, Bubble Soccer burbuila puzgarria jarriko dute. Horien barruan sartuta, futbolean aritzeko eta beste jokalarien kontra jotzeko jokoa da. Parkeak goiz eta arratsalde egongo dira: 11:30-13:30 eta 16:30-19:30.
Horrez gain, feriak irekiko dira gaur 12:00etatik aurrera eta txartelak merkeagoak izango dira.
Txupinazoa, bazkaria,
ur jokoak... bihar
Txupinazo txikia izango da bihar eta ondoren bazkaria egingo dute Xaguxarrek antolatuta. Arratsaldean, ur jokoak eta txokolate jatea izango dira.
Txirrindularitza proban, izen ematea
Ostiralean, haurren txirrindularitza proba egingo da Arrobitxulon (2003-2010ean jaioak) eta izena eman behar da: kiroldegian, aurrez, edo egunean bertan, 09:30etatik aurrera. Aurrez izena emateko gomendatu dute. Adinaren arabera, 4 talde egingo dituzte eta probak desberdinak izango dira.
Ostiralean, aulki jokoa, txokolatada, joko tradizionalak eta sokamuturra ere izango dira.