Astelehenera arte, Donostia ibilbidea itxita egongo da errotonda haunditik poligonoko sarrera irteeraraino. Autobus paradak Poligonoko sarrera irteerara aldatu dira eta ondorioz, autobusa ez da herrigunera sartuko. Pelotari kalea ere moztuta egongo da Kale Nagusiraino, umeentzako atrakzioak edo feria egongo delako. Joseba Barandiaran plaza eta Anuskako Kale Nagusiko tartea norabide bakarrera aldatuko da, herrigunerantz. Herrigunerako sarrera irteerak Galtzaur kaletik eta Iparralde bidetik egin beharko dira.
Horrez gain, ostiralean, haurrentzako txirrindulari proba egingo da Arrobitxulon eta 09:30etatik aurrera, trafiko mozketa puntualak egingo dira. Eta igandean, musika ikuskizuna dela eta, 12:30etatik 14:00etara Kale Nagusia itxi egingo da, Galtzaurreko elkagunetik Murgiaraino. Gauean, berriz, Correfoc-aren eraginez, Kale Nagusian, Santio Zeharrean eta Donostia pasealekuan trafiko mozketak egingo dira 22:30etatik 23:30etara. Donostia ibilbideko trafikoa Bidebitarte poligono barrutik desbideratuko da, Urumea Berritik, bertan egin den eraikin berriaren ondoko errepidetik.
Trafikoari dagokionean, astelehenean kenduko dira feriak eta horiek kendu ahala, udaltzainak kaleak irekitzen hasiko dira. Ez dute zehaztu ordutegia.
Segurtasun neurriak
Correfoc-aren harira, segurtasun neurriak hartzeko gomendatu du Udalak. Ikuskizun piroteknikoa denez, gomendatu dute leiho, ate eta erakusleihoetako kristalak paper gogor edo kartoiarekin babesteko, toldoak biltzeko eta jendeak arropa bakero eta bururako estalkia eramateko.