Gardentasun politikarekin jarraitu asmoz, jaietako aurrekontuaren informazioa ikusgai jarri du Udalak interneten. Udalak, bere web orrian atal berezia eman dio Santioei eta bertan, aurtengo jaien egitarauaz gain, ekitaldien kostuen inguruko informazioa aurkituko dute herritarrek. Udalak, urtean, 108.300 euro bideratzen ditu herrian ospatzen diren jai ezberdinetara. Inkesta bat ere badago, herritarrek jaien inguruko iritzia eman eta etorkizunerako proposamenak egin ahal izateko. Hemen egitaraua eta inkesta.