Bertso Eskolak antolatuta, Bertso Olinpiadak egin zituzten duela astebete Ereñotzun, eskolako kideen harremanak sendotze aldera, eta «egun zoragarria» pasa zutela azaldu dute.
Bi taldetan banatuta egin zituzten 6 probak: guraso direnak eta ez direnak. Badirudi Ez-Gurasoek irabazi zutela Hernani-Iñatzu krossean, Iñatzu-Kaxeta-Iñatzu bizikleta klasikan, paella txapelketan, eta musean. Ez-Gurasoen taldeko kide baten esanetan, «Gurasoen taldeko ume batzuek ere nahiago zuten gure paellatik jan!». Gurasoen taldeak, berriz, palan irabazi zuen; Kronikak lortutako iturriaren arabera, ordea, «umeak frontoira traba egitera aterata!».
Azkenik, azpimarratu dute bertsotan denak izan zirela garaile, eta datorren urtean errepikatzeko moduko egun zoragarria pasa zutela.