Helduentzako eta haurrentzako igeriketa ikastaroak emango dira abuztuan Hernaniko kiroldegiko pistinan, eta izena emateko epea larunbat honetan bukatuko da.
Helduentzako ikastaroak: hastapenekoak eta haurdunei zuzenduak
Helduentzako bi ikastaro mota antolatu dira. Bata hastapenekoa izango da, egunero, goizeko 08:00etan. Kiroldegiko abonatuek 54,10 euro ordaindu beharko dituzte, eta ez abonatuek, 92,90.
Helduentzako antolatutako bigarren ikastaroa haurdun daudenei zuzendutakoa izango da. Hau astearte eta ostegunetan emango da, eguerdiko 13:15etan. Kiroldegiko abonatuentzako prezioa: 44,35 euro. Ez abonatuentzako: 71,75 euro.
Ikastaroak izango dira 3-4 urteko haurrentzat, 5 urtetik gorakoentzat, eta helduentzat.
Haurrentzako hastapeneko ikastaroak, dakitenentzako eta ez dakitenentzako
Haurrentzako antolatutako ikastaroak ere hastapenekoak izango dira, baina maila desberdinak izango dira. 3-4 urte dituzten haurrek, eta pixka bat igerian dakitenek, astelehen, asteazken eta ostiraletan izango dituzte klaseak, 09:15etan (86,40 euro abonatuek; 147, 60, ez abonatuek). Igerian ez dakiten 3-4 urtekoek, berriz, astearte eta ostegunetan izango dituzte klaseak, 09:15etan (57,60 euro abonatuek; 92,15, ez abonatuek).
5 urtetik gorako haurrentzat ere izango dira ikastaroak. Igerian ez dakitenentzat, egunero, 10:10etan. Zertxobait dakitenentzat, berriz, bi aukera izango dira: egunero, 11:10etan, edo egunero, 12:10etan.
Hiru ikastaro hauen prezioa 78,95 euroko da kiroldegiko abonatuentzat, eta 124,20 eurokoa, ez abonatuentzat.