«Bilduk aparkaleku plazak kendu ditu zabor zuhaitzak jartzeko»

«DIRUDIENEZ Gobernu Tal­deak inprobisatu besterik ez du egiten» hitzekin hasten du Her­na­niko alderdi sozialistak, Kro­nikara bidalitako prentsa oharra. Hernaniko PSE-EEk salatu nahi du goiz batean, sorpresaz topatu zirela argazkian ikus daitekeen irudiarekin: «Konturatu ginen Larramendi kalean aparkaleku plazak ken­du zituztela zabor zuhaitzak jartzeko. Ezin duguna ulertu da, hilaren 14an Obra eta Zerbitzu Batzordea izan eta gero, ezer azaldu ez izana. Hilaren 17an, bat-batean topatu genuen aldaketa»
PSE-EEk dio, lehendik ere Lizeagan kendu direla aparkalekuak: «bidegorriaren eraginez aparkaleku asko kendu ziren. Eta aldi baterako soluzio gisa, Urumeako parkina egokitu zen. Bilduri gogorarazi nahi diogu, atez atekoaren defentsan esaten zutela, sistema honek  leku gutxiago okupatzen zuela kalean».