Euriak ez du festa eten. Hirugarren egunez, Madalena jaiak ospatuko dituzte gaur, Lizeagako bizilagunek. Festetako egun nagusia dute gaurkoa, eta goizetik izango da zer egina. Umeentzako jolas eta buruhaundiekin hasiko dute eguna. Poteoa eta herri bazkariak markatuko ditu eguerdiko orduak. Eta arratsaldean, denentzako aukera izango da: umeek aparraren festa izango dute; eta gorputza mugitu nahi duenak dantza, Modesto Ordoki orkestra. Festetako lehiaketa guztietako sariak ere, arratsaldean banatuko dituzte. Herritar guztiak gonbidatuta daude, gerturatu eta ondo pasatzera!
GAUR
10:00, Umeentzako jolasak eta hamaiketakoa
12:00, Buruhaundiak eta herri poteoa ‘Jaixkipe’ txarangarekin.
14:30, Herri bazkaria.
16:00, Mus txapelketa Lizeaga tabernan.
16:30, Aparraren festa.
17:00, Sari banaketa.
17:15, Modesto Ordoki: Gizon Orkestra.
20:30, Jaien bukaera.