Santioak iragarriko dituzte gaur, krosa, errumaniarren festa eta musikarekin

SANTIO usaina nabaritu liteke Astigarragako bazterretan. Egun gutxi falta dira festak eztanda egiteko, eta preludio gisa, hiru ekitaldi antolatu dituzte gaur: krosa, erru­ma­niarren festa eta kontzertuak.  

Korrikalariek, 7,3 kilometro aurretik
Astigarragako Herri Las­ter­ke­tako 12garren edizioa izango da jokoan, 17:30etan.  7,3 kilo­metroko ibil­bidea izango du­te aurretik, korrikalariek. 55 mi­nutuko tar­­tea da muga, zir­kuituari 3 buelta ema­teko. Sariak bost bizkorrenek jasoko dituzte; ema­kume eta gizo­nez­koen­tzat izango dira. Eta au­rre­neko astigartarrak ere, izango du    errekonozi­men­­dua. Las­ter­­ke­tan parte hartu nahi duten askok dagoeneko eman dute izena; eta azken or­durako utzi dutenek, proba hasi aurretik izango dute aukera, 9 euroren truke, Apes­tegi plazan.

Errumaniarren emanaldia, iluntzean
Errumaniarren komunitatea ere, presente izango da Santio bezperako ekitaldietan.Dan­tza eta poesia erakustaldia an­tolatu ditu Ro­man­easca el­karteak 20:00etan. Janari das­taketa ere, izango da.

‘Urumea Blues & Surf’ jaialdia
Bi musika emanaldi ere izan­go dira gaur, eguna boro­biltzeko. 1go Urumea Blues & Surf jai­aldia antolatu dute. 22:00etan, Ast­urias eta Do­nos­tiatik etorritako Lee Junior & His Band taldeak joko du, blues eta rock & rolla uztartzen dituen taldeak. Gauerditik aurrera hasiko da bigarren kontzertua, Surfin Burritos talde katalanaren eskutik; surf eta garage es­tiloko musika jotzen dute.

Santiotarako oharrak:

- Haurren txirrindularitza proba:
Santio Egunean jokatuko da. Zaz­pigarren edizio honetan parte har­tu nahi dutenek izena eman behar du­te kiroldegian; egunean ber­tan ere, izango da aukera.
- Otorduetarako txartelak:
Haur bazkaria antolatu du Xa­gu­xar elkarteak hilaren 24an. Txartelak hilaren 22ra arte daude, Kiroldegian.
Gaztelekuko kideentzat bazkaria izango da hilaren 24an. Txartelak gazt­elekuan daude, hilaren 21a arte.
Barrikotea egingo dute San­­tio egunean. Txartelak sal­gai daude 15 euroan, Zipotzan.
Santa Anako bazkarira joan nahi duenak, gaur du txartelak erost­eko azken eguna, Zipotzan.
Bazkari herrikoia uztailaren 27­an izango da. Txartelak hil­a­ren 24a ar­te daude, 15 euroan, Kai­zoku, Ika­tza eta Txiki taber­netan, uda­letxean, kiroldegian eta kultur etxean.
- Trafikoan aldaketak:
Bihartik Donostia ibil­bidea itxita, sarrerako errotondatik Bidebitarte poligonoraino. Autobus pa­radak Po­ligonoko sarrera-ir­teeran aldatuko dira. Pelotari kaleko zati bat ere moztuko da umeen atrakzioetarako.
Hilaren 22-23tik Pelotari kale osoa itxita. Barandiaran Plaza eta Anuskako kaleak norabide bakarra, he­rriguneruntz. Herriko sarrera irt­eerak Galtzaur kaletik eta  Iparral­detik egin behar dira.
Hilaren 22tik 28ra Tomas Alba ka­lea itxita; eta 13 zenbakiaren pa­rean ezingo da kotxerik utzi. Garaje sarbidea, Galtzaur kaletik.
Hilaren 25eko txirrindulari proba dela eta, Arrobitxulon mozketak.
Hilaren 27an Kale Nagusia itxita Galtzaurtik Murgiaraino. 22:30-23:30 bitartean trafiko mozketa Kale Na­gusian, Santio Zeharrean eta Do­nostia paselakuan Correfoc-aren era­ginez. Trafikoa Bidebitarte poligonotik desbideratuko da.