Madalena jaietako bigarren eguna ospatuko dute gaur, Lizeagako bizilagunek eta animatzen diren herritarrek. 18:00etan lehertuko da suziria, eta berehala, bi lehiaketa izango dira martxan: toka eta botea batetik; eta tortillarena bestetik. Sagardoa ere protagonista izango da gaur: kata eta dastaketa antolatu dituzte. Eguneko nobedadea, koadrilen arteko afaria izango da. Eta eguna bukatzeko, bi aukera jarri dituzte: poker txapelketa eta musika Boss Music disko jartzailearekin. Festak bihar izango du segida.
18:00, Txupinazoa
18:05, Toka eta botea.
18:15, Tortilla lehiaketa: tortillak entregatzeko momentua. Era guztietakoak onartuko dira. 10 lehengoek sari berezia izango dute.
18:45, Sagardo-kata
19:15, Sagardo-dastaketa: Alberro, Elorrabi, Rufino, Setien, Elutxeta eta Iparragirre sagardotegiek.
21:30, Koadrilen afaria.
23:00, Poker-txapelketa Pacheco tabernan.
23:00, Musika ‘Boss Music’ DJarekin