Puzgarriak, mozorroak eta tutea, festei hasiera emateko

Festa gosez dira Lizeagako bizilagunak, eta gaurtik h­a­sita izango dute zerekin dis­frutatu. Hiru eguneko egi­ta­raua osatu dute, igandera bitartean.  Has­teko, umeen­tzako eki­taldiak an­to­latu dituzte: 18:00etatik au­rre­ra puz­ga­rriak ja­rriko di­tuzte; eta ordu be­rean, mozo­rro lehia­keta ere antolatu dute; neska-mutilek 19:00ak arte izango dute epai­ma­haiaren aurretik pa­satzeko aukera. Iluntzean Aitan- Etxe ta­bernan izango da festa gi­roa: tute txapelketa an­tolatu du­te, 22:30etatik aurrera.  

Lehiaketa, jana eta edana, arratsaldea girotzeko
Festak gaur hasiko badira ere, txupinazoa bihar botako dute, 18:00etan. Bi lehiaketa izango dira segidan: toka eta botea batetik, eta tortilla bestetik. Ordu hori izango da muga, tortillak entregatzeko; aurten ere, mota guztie­ta­koak ona­rtuko dira, baldin­tza ba­karra goxoa egotea baita. Gai­ne­ra, 10 aurre­ne­ko­ek sa­ria izango dute. Ja­nari eda­nak lagundu behar izaten dio­la eta, sagardoa ere izan­go da aukeran. 18:45etan sa­gardo kata hasiko da. Ge­hie­nez 30 laguneko taldea osatu liteke, eta prezioa 3 eurokoa da; kata hasi baino 15 minu­tu lehenago jaso behar dira txar­telak. Ondoren, sagardo dastaketa izango da auzotar guztien gozamenerako.  
Auzoko koadrilak elkar­tzea­ri ere eman nahi izan diote garrantzia aurten, eta afaria antolatu dute bihar. Eguna bukatzeko, bi ekitaldi: poker txapelketa Pachecon, eta dantzarako tartea Boss Music DJarekin.

Igandea, egun haundia
Azkeneko eguna, igandea, izan­go da festetako egun haun­dia. Umeentzako jolase­kin eta buruhaun­diekin ha­si­ko dute eguna. Eguerdi partea Jaixkipe txarangak girotuko du. Herri bazkarian elkartuko dira auzotarrak, 14:30etatik aurrera; txartelak Aitan-Etxe, Pacheco eta Li­zea­gan daude, 10 euroan.
Arratsaldean, mus txapel­keta jokatuko da Lizeagan. Umeek ere izango dute ondo pasatzeko aukera, aparraren festarekin. Hiru egunetan jokatu diren lehiaketatako sariak ere, igande arra­tsald­e­an ba­na­tuko dira. Eta eguna eta festak bu­ka­tzeko, musika eta dantza dira pro­po­sa­me­na: Modesto Or­doki Gizon Orkestrak jarriko du giroa azken orduetan.

Jolas parkea, eta trafikoan aldaketak
Txikienek festetako hiru egunetan izango dute ondo pasatzeko tartea. Izan ere, La­rremendi kaleko par­ki­nean, Zaharren Egoitza az­pian geratzen den horretan, jolas parkea jarriko dute. Hori dela eta, asteazkenetik ezin da bertan aparkatu; eta ezta ere azpiko aparkalekuan.
Eta trafikoan ere, izango dira aldaketak. Igan­dean La­rra­mendi kalea itxi egingo dute, Onddi kaleko bide­gurutzeraino.

EGITARAUA

OSTIRALA
18:00, Puzgarriak
18:00, Mozorro lehiaketa
(zazpiak arte)
22:30, Tute-txapelketa Aitan-Etxen.
LARUNBATA
18:00, Txupinazoa
18:05, Toka eta botea.
18:15, Tortilla lehiaketa: tortillak entregatzeko momentua. Era guztietakoak onartuko dira. 10 lehengoek sari berezia izango dute.
18:45, Sagardo-kata
19:15, Sagardo-dastaketa: Albe­rro, Elorrabi, Rufino, Setien, Elutxe­ta eta Iparragirre sagardotegiek.
21:30, Koadrilen afaria.
23:00, Poker-txapelketa Pacheco tabernan.
23:00, Musika ‘Boss Music’ DJarekin
IGANDEA
10:00, Umeentzako jolasak eta hamaiketakoa
12:00, Buruhaundiak eta herri poteoa ‘Jaixkipe’ txarangarekin.
14:30, Herri bazkaria.
16:00, Mus txapelketa Lizeaga tabernan.
16:30, Aparraren festa.
17:00, Sari banaketa.
17:15, Modesto Ordoki: Gizon Orkestra.
20:30, Jaien bukaera.