Gazteentzako informazioa, eskura

Gazte Informazio Gunea Gi­puz­koako hainbat herri­tan da­go eta baita Astigarra­gan ere. Lehen, kultur etxe­an ze­goen, baina orain KZgu­nean bertan dago, Tomas Alba ka­lean (Zipotza parean). Ikas­tur­tean zehar, goiz eta arra­tsaldeko ordute­gian iza­ten da zabalik, baina uztaile­an, goizez baka­rrik: 11:00-13:00. Abuztuan itxita egongo da.
Bertan, ordenagailuak erabil­tzeko aukera dago eta interesatzen den informa­zioa inprimitzeko aukera ere bai.  Edozein zalantza argi­tze­ko, berriz, Olatz Aiestara­nen­gana jo daiteke. Horrez gain, txartel desberdinak egin litezke: Ater­pekide, Gaz­te Txartela, Ikasle Txartela, Irakasle Txar­tela... Informa­zio pane­lak ere badaude. Bertan ikusi daitez­ke lan eskaintzak, bekak, aisial­dia… Intereseko infor­mazio guztia, hain zuzen.
Ostiraletan, boletin elek­tro­­nikoa argitaratzen da eta harpidedunei bidaltzen die korreo elektronikoz Aiesta­ranek. Astigarraga atala dau­ka eta bertan herriko ekin­tzak eta eskaintzak azaltzen dira. Ondoren, Gipuzkoa osokoak. Harpidetza egiteko: www.gipuzkoangazte.info.

KZgunea ere bai
Adin desberdinetako jendea ibiltzen dela dio Aiestaranek: «Be­rez, 30 urtera artekoen­tzako infor­ma­zio bulegoa da, baina helduagoak ere etor­tzen dira ordenagailuak erabiltze­ra. KZgu­nearen fun­tzioak ere bete­tzen baititu, modu batean. Asko izaten dira lan bila dabiltzan etorkinak. Baita adinekoak ere bere garaian ordena­gailuekin ibiltzeko hain­beste aukera izan ez zutenak eta gauza berriak ikasten dabiltzanak».
KZguneko dinami­za­tzailea uztailaren 21ean izango da ber­tan, 09:00eta­tik 13:00etara.