Udara iritsi da, eta horrekin batera, oporrak, tenperatura egokia eta gau lasaiak; lasaiegiak askorentzat. Hernaniko Gazte Asanbladak bizia eman nahi die udako gauei, eta Hernaniko kaleei, eta erronka berri batekin datoz: ‘Poli eta kakoak’ joko ezaguna.
Tiloseta, eszenatokia
Olinpiadetako arrakasta ikusi eta gero, herriko koadrilak berriz ere elkartzeko aitzakia perfektua izango da biharko gaua. Bi taldetan banatuko dira, gutxienez. Polizia papera egin beharko dute batzuek; eta besteek, lapur edo kakoena. Koadrila batek bestea aurkitzea izango da joko honen ardatza.
Herriko koadrilei, deialdi berezia
Gazte Asanbladako kideak herritarrak animatu nahi ditu bihar gaueko hitzordura, ondo pasatzea izango baita, helburu nagusia. Zita Tilosetan egin dute, gaueko 22:00etan.