Garagardo azoka Ikatzan, bihartik

Garagardo Azoka antolatu dute Ikatza tabernan. Bihar za­bal­duko ditu ateak eta larun­ba­te­ra bitarte, garagar­do desber­dinak eta halako azoketan ohi­koak izaten di­ren jakiak pro­ba­tzeko auke­ra izango da. Gara­gar­­doa, Ale­ma­niako Paula­ner mar­ka­koa izango da. Kañero­tik, hiru desberdin aterako di­ra: origi­na­la, gariarena eta Sal­­vator. Botilan, berriz, beste lau des­berdin: hiru garizko­ak izan­go dira eta bat alkoho­lik ga­bea. Azokatik kanpo, beste zerbeza motak izango dira tabernan. 
Eta jakiak, honakoak: sal­txi­­txak (frankfurt edo brat­wurst), ukondoa, patata purea eta pos­trea (gazta edo almen­dra tarta). Ordutegia: ostegune­tik larunba­te­ra, 19:00etatik 00:00etara. 120 lagunentzat izango da lekua.
Ikatzatik jakinarazi dute­nez, etxekoen artean sortu­ta­ko ideia da eta probatzeko, pixkanaka hastea erabaki dute: «Modu ba­te­an, bi gauza jarri ditugu, baina jarri du­gu­na oso kalitate onekoa da. Herriari bizi pixkat eman eta jendea anima­tzea nahi dugu».

Bazkaria, igandean
Igandean, bazkaria egingo du­te: paella jatea. Entsalada eta pos­trea ere izango dira. Azo­kan so­bra­tutako garagar­doak bu­katu­ko dituzte. Prezioa: 15 euro. Gehie­nez, 50 lagunen­tzat izan­go da le­kua eta izena eman behar da.