Laugarren urtez, sua eginen dute Goizuetan, asteartean, Karmen bezpera ospatzeko. Hala egiten zen garai batean, eta ohitura berreskuratu zuten orain lau urte. 21:30etan piztuko dute sua.
Aurretik, baina, ospakizuna girotuko dute. Lehenengo, patata tortilla lehiaketa eginen dute, 19:30etatik 20:30etara, Plazan. Parte hartu nahi duenak, izena eman behar du. Bihar da apuntatzeko azken eguna: Amaia kafetegian eta Umore-Ona elkartean. Tortilla egiteko osagaiak, Udalak emanen ditu.
Jarraian, afaria eginen dute bertan. Bakoitzak bere janaria eraman behar du, eta Udalak paratuko ditu edariak, aulki eta mahaiak, eta plater, edalontzi eta tresnak.