Merkataritzako ekipamenduak berritzeko, dirulaguntzak eskatzeko epea irekita dago. Irailaren 5era arte izango da aukera. Inbertsioa, gutxienez, 3.000 eurokoa izan behar da, edo 900 eurokoa, ekipo informatikoen kasuan. Bi multzotan banatu dituzte, laguntza jaso dezaketen tresnak.
Lehenengo multzokoek, %20ko dirulaguntza izango dute. Honakoak sartzen dira bertan: informatika-aplikazioak, informazioa prozesatzeko ekipoak eta osagarriak (eskanerra, inprimagailua...), kode-irakurgailuak, etiketatzeko sistemak, balantza elektronikoak...
Bigarren multzoan, berriz, hurrengoak daude: altzariak, salmenta-lokalen eraberritzea, aire girotuko sistemak, lapurreten kontrakoak, errotulazioak, erakuslehioak berritzea... Horiek guztiek %15eko dirulaguntza izango dute.
Berriak elkartekoek, %5eko gehigarria
Laguntza horiek %5ean haundituko dira, Berriak Hernaniko Merkatari eta Ostalarien elkartean daudenentzat. Informazio gehiago, Buruntzaldea Merkataritza Dinamizatzeko Bulegoan: 943 33 30 49, edo dinamizador@comercio-gipuzkoa.com.