Santa Ixabel festetan, bola tiraldia jokatu zen Usurbilen. 45 parte hartzaile izan ziren, eta denen artean, hernaniarrak jaun eta jabe izan ziren: aurreneko lau postuetatik, hiru bete zituzten herrikoek. Onena Migel Burugain izan zen, Elur-Txori soziedadekoa, 36 brilarekin. Desenpatean irabazi zion Iñaki Maiz gabiritarrari. Hirugarren eta laugarren, berriz, Antonio eta Ibon Miner aita-semeak izan ziren, Ereñotzuko Ur-Mia soziedadekoak, bakoitzak 35 brila lortuta.