Festak bete-betean segitzen du Martindegin. Gaur dute egun haundietako bat: euskal festa. Herri kirolak izango dira nagusi eguerdira bitartean: aizkoran, Ohian Larretxea eta Ruben Saralegi, zein baino zein. Harrijasotzen, Izeta II eta Joseba Esnaola. Eguerdi partea bertsolariek girotuko dute, saio bereziarekin: Andoni Egaña eta Amets Arzallus dira, aurtengo gonbidatuak.
Arratsaldean, bi txapelketa antolatu dituzte: trikitilari gazteak XIII. edizioko txapela izango dute helburu; eta toka jokalariek, onena izatearen ohorea. Bertsolariek bigarren saioa eskainiko dute iluntzean. Eta eguna bukatzeko, dantzarako tartea jarriko du Bide batez taldeak. Festak bihar izango du segida, umeak protagonista hartuta.
Gaur
11:00, Bermuta.
12:00, Euskal Festa:
- Aizkolariak: Oihan Larretxea eta Ruben Saralegiren lehia.
- Harrijasotzaileak: Izeta II eta Joseba Esnaola.
13:00, Bertsolariak:. Andoni Egaña eta Amets Arzallus.
17:30, XVIII. Trikitilari Gaztetxoen Txapelketa.
18:00-19:00, Toka Txapelketa Nagusia (Gurutzeta Sukaldeak antolatua).
19:00, Bertsolarien bigarren saioa: Egaña eta Arzallus.
20:00, Dantzaldia Bide
batez taldearekin.
Bihar
10:30, Auzoko hildakoen alde Meza (ondoren hamaiketakoa, Oialume tabernaren eskutik).
Jarraian, Haur jolasak.
17:00, Denak marraztera.
17:00, XLV. Tiro karabina lehiaketa.
18:00, Patxin eta Potxin.
Ondoren, Kalejira.