Hernaniko pelota eskola urte ederrak ari da bizitzen. Urtez urte, herriz herri, final asko jokatu dituzte; eta gehienetan jantzi dute txapela. Azkena, Josu Altuna izan da. Usurbilgo Bengoetxearekin batera irabazi du Usurbilgo Txapelketa, bigarren mailakoa. Galarraga eta Zinkunegi aurkariak faborito baziren ere, hernaniarra izan zen nagusi pelotalekuan, eta Bengoetxeak asmatu egin zuen, tantoak bukatzerakoan. Emaitza: 22-8.
Ioritz Arrietak finala, gaur
Helburu berarekin aterako da gaur pelotalekura Ioritz Arrieta. Lakuako Txapelketako finala jokatuko du gaur, Gasteizen, Resanorekin batera; faborito dira. Aurrean Isasmendi eta Labaka izango dituzte.