Udako oporraldiarekin batera, elkartu eta ondo pasatzeko tartea heldu zaie Ereñotzuko umeei. Udaleku irekietan ibiliko dira gaurtik, hogeita hamabi neska mutil. Hiru taldetan banatu dituzte, 2-3, 4-7 eta 8-12 urte bitartekoak. Begiraleak ere, hiru izango dira: Belen, Unai eta Lorea.
Astean hiru egunez
Uztailean zehar, astean hiru egunez elkartuko dira: astearte, ostegun eta ostiraletan. Goizetan izango dira ekintzak: 09:30etatik 13:00etara. Txikienak Ereñotzuko ludotekatik abiatuko dira; eta ertain eta haundiak plaza edo frontoitik.
Ekitaldi mordoez osatutako egutegia antolatu dute: eskulanak, kirola, ur festa, irteerak... Egun bakoitzean zer egin zehaztu badute ere, eguraldia kontutan izan beharreko faktorea izango da beti. Horregatik, ona egiten duenean bisera, eguzkitako krema... eraman behar dituzte; eta txarra egiten duenean aldatzeko arropa, aterkia eta xira hartu beharko dituzte.