Ikasturtean zehar dantza garaikidea egiten duten herritar asko dago Hernanin. Badira ordea, nahi bai baino oraindik animatu ez direnak. Horientzat, eta dantza garaikidea ezagutu eta probatu nahi duten guztientzat ate irekiak antolatu dituzte uztailean.
Bost egunetan, goizez
Txaro Untzilla izango da irakaslea, Biteriko ikastaroetako bera. Bost egunetako luzapena izango du ‘ate irekiak’ ekimenak; uztaileko bigarren astean, 7tik 11ra. Goizez emango ditu ordubeteko saioak: 11:00etatik 12:00etara.
«Edonorentzako modukoa»
Saioak debalde dira, baina parte hartu nahi duten herritarrek izena eman behar dute Biterin, ostirala baino lehen. Untzilla irakasleak herritarrak gonbidatu nahi ditu: «helburua da dantza ezagutu eta musika eta mugimenduekin gozatzea.