Uztaila iritsi da; askorentzat urte osoko lana eta nekea alde batera utzi, eta deskantsatu eta ondo pasatzeko hilabetea. Martindegin ondo dakite hori. San Fermin festak ospatuko dituzte aurten ere, adin eta gustu guztietara egokitutako egitarauarekin. Ostiralean hasiko dira jaiak, eta lau egunez luzatuko dira.
Sagardo dastaketa, hasteko
Niki txuri eta zapi gorriz jantziko dira Martindegiko inguruak ostiral arratsaldean. Kalejirak emango dio tonua, festa hasierari. Buruhaundiak eta tortilla dastaketa izango dira, girotzeko. Eta iluntzean, urteroko sagardo dastaketa. Inguruko hamahiru sagardotegitako sagardoa jarriko dute aukeran, aurten. Eguna bukatzeko dantzaldia antolatu dute Izer eta Alabier taldearekin.
Bazkaria eta dema, larunbatean
Asteburua izango da festetako ardatza. Larunbatean auzo bazkaria izango da eguerdira bitarteko ekitaldi nagusia. Txartelak salgai daude, Oialume tabernan. Gaueko ekitaldi nagusiak berriz, bi izango dira: XIII. abere dema eta dantzaldia, Laiotz auzotarrekin.
Euskal festa, igandean
Aizkolariek eta harrijasotzaileek jarriko dute saltsa, euskal festan. Bertsoak eta musikak ere izango du lekua igandean; Egaña eta Arzallus dira, aurtengo gonbidatuak.
Umeen eguna, azkena
Azken egunean umeak izango dira protagonista: jolasak, marrazketa, pailazoak...
EGITARAUA
Uztailak 4 ostirala
18:00 Kalejira auzoan zehar festari hasiera emateko.
18:30 Buruhaundiak.
19:00 Tortilla dastaketa.
20:00 Sagardo dastaketa,
ondorengo sagardotegiekin:
Zelaia, Oialume Zar, Oiarbide, Sarasola, Etxeberria, Larrarte, Gurutzeta, Petritegi, Larre Gain, Iretza, Artola, Elutxeta, Indione.
22:30 Erromeria Izer eta Alabierrekin.
Uztailak 5 larunbata
07:00 Egunari hasiera emateko kalejira, auzoan zehar.
08:00 Lo kuluxka.
11:00 Auzoko baserrietan zehar ‘Mobida’ trikitixak alaituta.
13:00 Goiko aristian oroigarri xumea, ‘gure artean ez
daudenentzat’. Tturko familiari eskertza, ematen diguten
harreragatik.
14:00 Auzo bazkaria. (Txartelak aldez aurretik erosi behar dira Oialume tabernan)
16:00 Gaztelu puzgarriak.
18:00 Zezentxoak eta zalditxoak.
23:00 XIII. Abere dema. Hernaniko Zerain eta Ortzaikako Imanol Etxeberriaren zaldien artean.
00:00 Dantzaldia ‘Laiotz’
taldearekin.
Goizaldera Platano dantza
lehiaketa xelebrea.
Uztailak 6 igandea
11:00 Bermuta
12:00 Euskal festa:
Aizkolariak: Ohian Larretxea eta Ruben Saralegiren arteko lehia.
Harrijasotzaileak: Izeta II eta Joseba Esnaola
13:00 Bertsolarien saio berezia: Andoni Egaña eta Amets Arzallus.
17:30 XVIII. Trikitilari GAztetxoen Txapelketa.
18:00 Toka txapelketa nagusia (Gurutzeta sukaldeak antolatuta)
Jarraian Bertsolarien bigarren saioa: Andoni Egaña eta
Amets Arzallus
20:00 Dantzaldia ‘Bide batez’
taldearekin.
Uztailak 7 astelehena
10:30 Auzoko hildakoen alde meza. Ondoren hamaiketakoa, Oialume tabernaren eskutik.
Ondoren Haur jolasak
17:00 Denak marraztera.
17:00 XLV. Tiro karabina lehiaketa
18:00 Patxin eta Potxin. Pailazoen emanaldia
Ondoren Kalejira