Hernaniko gazteek ere badute San Joanak gozatzeko aukera ederra. Gaur arratsaldean, 16:00etatik 20:00etara bitartean, Gazte San Joan Festa izango da Atsegindegin, Gazte Txokoak eta Kale Hezitzaileek antolatuta. 11 eta 16 urte bitarteko gazteei zuzendutako ekintzak antolatu dira.
Horien artean, aukera izango da zezen mekanikoan ibiltzeko, graffityak egiteko, munduko hainbat janari mota dastatzeko, musikarekin gozatzeko, eta baita looping bike-a probatzeko ere.
Azkenik, 19:30ak inguruan sari ederrak zozketatuko dira gaurko ekintzetan parte hartzen dutenen artean.