Arruarte eta Fernandez presoak askatzeko eskatu dute alkateek

Luis Intxauspe Hernaniko alkateak, eta Pablo Barrio Lasarte-Oriako alkateak pren­t­saurrekoa eman zuten atzo, es­katzeko Ibon Fernandez Ira­di eta Garikoitz Arruarte Santa Cruz presoak  askatzeko, baita gaixotasun larriak eta sendaezinak dituzten gainontzeko presoak ere. «Aldarrikapen hu­manitario batez ari gara», azaldu zuten.

Mobilizazioak, Hernanin eta Lasarten
Hain zuzen, gaixotasun la­rri­ak dituzten presoei elkartasuna adierazteko mobilizazioak deitu dituzte herritar talde batek eta preso gaixoen familiek. Gaur Hernanin egingo da, 19:30etan Plazan; eta ekainaren 29an, Lasarten, 20:00etan.

Gaixotasun sendaezinak
Ibon Fernandez Iradi Fran­tzi­a­ko Lanmezan kartzelan dago, eta esklerosi anikoitza du. Os­ti­ralean epaitegiak onartu egin zuen kondena etetea, bai­na oraindik zain egon be­harko du. Izan ere, Frantzian egoteko debekua du, eta debeku hori kentzea aztertzen ari da orain epaitegia.
Garikoitz Arruarte Alme­ria­ko kartzelan dago, eta es­pondilitis ankilopoietikoa du. Espetxeetako Instituzioan es­ka­era egin du askatzeko, 100.2 artikuan oinarrituta, baina oraindik ez diote eran­tzun.

Bi preso hauen gaixotasunen egoera larriaren harira, al­ka­te­ek eskatu zuten «legediari ja­rrai­tuz, preso hauek eta gaixotasun larriak eta sendaezinak di­tuzten presoak aske uzteko».