LOMCE legearen kontra elkartu ziren, larunbatean, ehun herritar inguru, Biteri plazan. Prentsaurrekoa eman zuen Hezkuntza Plataformen Topaguneak, aldarrikatzeko eskura dituzten «tresna desobediente guztiak» baliatuko dituztela, legea ez aplikatzeko.
Horretarako, eredu alternatibo bat osatuko dutela azpimarratu zuten: «LOMCEri gure eredu propioa eraikiz egingo diogu aurre». Salatu zuten legea inposaketa bat dela, eta adierazi hura ez aplikatzeko konpromisoa dutela.
20 ikastetxe batuta, inposaketaren kontra
Eskola komunitateko kide desberdinak daude dinamika honen atzean: «Ikasleak, irakasle eta hezitzaileak, guraso eta familiak, eta herritarrak gara».
Dagoeneko, 20 ikastetxe batu dira dinamikara. Guztien artean, proiektuak landuko dituzte, eredu propio bat sortzeko: «Bizi dugun errealitatean sustraitutako proiektuak eraikiko ditugu».