Sorginak eta akerra dantzan, iluntzean

Akelarre ederra presta­tzeko asmoz etorriko dira gaur sorgin, aker, ziriko eta gainerako pertsonaje guztiak Hernanira.
Dultzainen doinuen erritmora Oriako Sorgin Dantza dantzatzen abia­tu­ko dira Paradorretik arra­tsaldeko 18:00ak in­guruan. Victor Hugo ka­letik Larra­mendi kalera hartuko dute, eta Urumea ikasto­la­ren parean, Elkano kaletik behera segiko dute.
Kaxkoan barrena buel­ta egin ondoren, Plazara irit­si aurretik azken gel­dialdia Plaza Berrin egingo dute, urtero bezala, Her­na­niko Musika Bandari pasoa emateko. Hauek pasatzean jarraituko dute sorginek Plazaraino dan­tzan, eta hantxe egin­go dute akelarrea.
Edabe magikoarekin fes­tarako giroa piztuko da. San Joan sua egin baino lehen, azken momentura arte dantzan ibiliko dira; bai sorginak, bai apaizak eta baita Aker bera ere.
Sua piztean, Kantaita aterako da, eta segidan, aurreskua dantzatu eta su gainean salto egiteko momentua iritsiko da.