Zortzi sari izango dira aurten San Joanetako argazki ederrenentzat. Egunero argazki bati emango zaio saria, eta bukaeran, umeen saria eta sari orokorra ere izango dira. Jaiei buruzko argazkiak izan behar dute, eta ekainaren 23tik ekainaren 27ra bidali ahal izango dira. Egunero 19:30ak arte sartzen diren argazkien artean bat aukeratuko da.
Zortzi sari, Hernaniko denda eta enpresek emanak
Hernaniko Kronikak antolatu du zazpigarren urtez argazki lehiaketa, eta horretarako Hernaniko dendari, ostalari eta enpresen laguntza izan du, haiek izan baitira sariak eman dituztenak. Sari orokorra Irizar ardoak enpresak eman du, sei botila ardo: hiru botila Viña Ardanza, Errioxako 2004ko erreserba; eta hiru botila Albariño, Lagar de Cervera, 2013koak, La Rioja Alta bodegakoak. Sari hori herritarrek erabakiko dute San Joanak bukatuta, facebook bidez botoa emanda.
Gainerako sariak Kronikan bertan erabakiko dira. Kontuan hartuko da, batez ere, San Joanak direla antzematea, eta argazkiaren intentzioa.
Umeen saria Hernaniko kiroldegiak emango du, igerileku irekietarako 4 sarrera. Horrez gain, egunero sari bana izango da. Ekainaren 24an
Sari orokorra herritarrek erabakiko dute, facebook bidez botoa emanda.
Adarragak emango du saria, 8 pertsonentzako hojaldrea. Ekainaren 25ean Akeleneak jarriko du saria, eguneko menua 2 lagunentzat. Ekainaren 26an Josune Quintanillaren eskutik, radiofrekuentzia sesioa aurpegi edo gorputzean. Ekainaren 27an, Kixkalek jarriko ditu 2 magnum ardo botila. Azkenik, ekainaren 28ko saria Balantxak emango du, likuadora bat, hain zuzen.
Egunean argazki bat
Bakoitzak argazki bat bidali ahal izango du egunean, kronika@kronika.net helbidera, edo eskuz entregatu Kronikan (Larramendi 11). Bidaltzean, beharrezkoa da izena eta telefonoa jartzea; umeen kasuan, adina zehaztea (gehienez 14 urte).