Luis Telleria Hernaniar Bikaina izendatuko dute gaur, Xalaparta elkartearen urteurren ekitaldian. 32garren urteurrena ospatuko du elkarteak, eta bazkaria ere antolatu dute. Eguerdiko 14:30etan, ongietorria egingo diote Telleriari. Guztien artean, Agur Jaunak kantatuko diote, eta ondoren, aurreskua dantzatuko dio Carlos Santxizek.
Urteurren bazkaria
Omenduari harrera egin ondoren, bazkaria egingo du elkarteak, urteurrena ospatzeko. Bazkalostean, berriz, 33garren Mus Txapelketaren sariak banatuko dituzte, 17:00etan. Jarraian izango da ekitaldi nagusia. 17:15etan, Hernaniar Bikaina izendatuko dute Luis Telleria, arte munduan izan duen ibilbideagatik.