Kurtso bukaerako kontzertua gaur, Biterin

Ikasturteko kontzertu na­gusia es­kainiko du, gaur, Doinu Zale musika eskolak. Kurtsoan zehar ikasitakoa agerian utziko dute, Biterin, arratsaldeko 17:00etan. Ins­trumentu desberdinak kan­tuarekin nahastuko dituzte, ema­naldi eder bat eskain­tzeko asmoz.
Guztira, 60-70 musikari ariko dira saioan, eta ins­tru­mentu ugari joko dituzte: tri­kitixa, esku­soi­nua, pianoa, gitarra, bateria, bajua... Ins­trumentu baka­rreko tal­detan edota hainbat ins­tru­mentu elkartuz ariko dira.

35 abesti inguru
Emanaldi zabala izango da Doinu Zale musika eskolako ikasleena. 35 abesti inguru joko dituzte, kurtso osoko lana saio bakar batean bil­tzeko asmoz. Gauzak ho­rre­la, bi orduko iraupena izan­go du emanaldiak, gutxi go­rabehera.
Ikasle berrienak hasiko dira, eta beteranoenek buka­tuko dute. Adin oso ezber­di­netako ikas­leak izango dira, eta 5-6 urte­ko gaztetxoak ere badira Doinu Zalen.

Abesbatza eta orkesta batera
Abesbatza eta orkesta batera arituko dira gaurkoan. Horixe izango da aurtengo emanal­di­aren berezitasuna. Teklatu eta akordeoi orkestaren doi­nu­ak, kantuarekin nahasiko dira.

Uztailean, grabaketak
Kurtso bukaerako emanaldia izango da, baina ikasturtea ez dute bukatutzat emango oraindik. Uztailean zehar, ikas­le bakoitzak kurtso ho­netan egindako lana gra­ba­tuko du.