San Joanei aurre hartu, eta astebete aurreratuko dute ekaineko Plenoa Udalean. Hamasei puntu izango dituzte aztergai, gaur, iluntzeko 19:00etatik aurrera.
Kardaberaz kaleari Andrekale izena jartzea izango da, Udalak aztergai izango duen puntuetako bat; Berdintasun Kontseiluak egin du eskaera.
Garbitania Zero Zabor enpresaren inguruko puntu bat ere aztertuko du Plenoak. Orain arte lau herrik osatzen zuten: Hernanik, Usurbilek, Astigarragak eta Oiartzunek. Azken hau atera egingo dela eta, partizipazioa edo akzioak berriz banatuko dituzte. Banaketa ekitatiboa izatea da helburua; hau da, Hernanik %49a izango luke; eta %25 eta %26a beste biek.
LOMCErik gabeko herria puntua ere, aztergai izango dute gaurkoan.
Plenoak bozkatuko dituen beste hainbat punturen artean lau, mozioak izango dira: Esait; Udaltzaingoaren aurre jubilazioa; Juan Carlos Borboikoaren abdikazioa; eta Euskal Kutxen etorkizunari buruzkoa.