Barrakak asteburuan martxan, Karabelen

Nabari da San Joanak gai­ne­an direla. Astebururako ba­rra­kak mar­txan izango dira, Karabelen. Ekitaldi ezberdi­ne­tan pa­rte hartu nahi du­tenek ere, orain dute izena ema­teko garaia. Udalean ban­dera igoera eta jaitsiera ikusteko izen ematea dago, eta gaur da azkeneko eguna: Udal erre­gistroan edo  www.her­na­ni.net web­gu­ne­an.

Axeri Bilan, izen ematea
Larunbat honetan izango da Axeri Bila lasterketa. Hau­rrentzako proba 17:30etan hasiko da, eta CD Her­nani atl­etismo taldearen lo­kalean eman behar da izena, os­ti­ralera arte. Doan da.
Helduentzako proba, be­rriz, 18:30etan egingo da. Ize­na ematea www.kirol­pro­bak.com webgunean egin be­har da, ostiralera arte. Egu­ne­an bertan ere izango da aukera, irteeran.
Kantaitarako azken entsaioa, bihar
Bihar izango da, 20:15etan, San Joan kantaitarako azken entsaioa, Biteriko plazan. Eguraldi txarra bada, berriz, Atsegindegin egingo dute.

Koadrila Eguneko bazkariko txatelak, salgai
Jarri dituzte salgai Koadrila Egu­­ne­ko bazkarirako txarte­lak. Garinen erosi daitezke, 10 eur­oan.

Kaleko Eskubaloi txapelketa, aurreneko aldiz
Lehenengo aldiz egingo da San Joanetan  Kaleko Es­ku­baloi txa­­­pelketa. Aurrez eman be­har zen izena. Osti­ra­lean, se­nior, beterano eta koa­dri­len kanporaketak iza­ngo di­ra. Ale­bin, infantil, ka­dete eta ju­benilek, larun­ba­tean jo­katuko dute, Tilosetan. Eta finalak hilaren 24 eta 27an jokatuko dira.