Asteburu osoa aurretik dute ereñotzuarrek San Antonio jaiekin gozatzeko. Eta gaur, batez ere, umeentzat eta gazteentzat izango da egun aproposa. Atzoko partez, gaur izango dira haur jaialdia, puzgarriak eta txokolatada. Eta arratsaldeko 16:00etatik aurrera, Hernaniko Gazte Olinpiadek egingo dute bat Ereñotzuko festekin. Triatloia antolatu dute Urumea ibaian. Ondoren, Laiotz taldeak jarriko du giroa goizaldera arte.
Bihar, pelota partiduak, sagardo probaketa eta bertso jaialdia izango dira. 7 sagardotegik hartuko dute parte. Bertsotan, berriz, punta-puntako lau bertsolari ariko dira; eta tartean, Eli Pagola ereñotzuar gaztea.
EGITARAUA
Gaur
11:30 Ume festa futbol zelaian. Mozorro onenari saria.
11:30-14:00 Puzgarriak.
16:00 Hernaniko Gazte Olinpiadak.
17:00-18:00 Bola eta Toka. Hernaniko Bola Txapelketaren hasiera.
17:00-19:30 Puzgarriak.
18:30 Txokolatada.
20:30-21:30 Laiotz taldearen
lehenengo saioa.
00:30 Laiotz taldearekin parranda, goizaldera arte.
Bihar
08:30 Diana Hernaniko
txistulariekin.
11:30 Afizionatu mailako pelota partiduak.
Paleta gomaz, neskak: Amaia Irazustabarrena-Eli Pagola/Miren Goikoetxea-Maider Huizi.
Eskuz, mutilak: Oier Apezetxea-Markel Lizeaga/Paul Ojuel-Eneko Aizpitarte.
12:00 Sagardo probaketa Ur Miak antolatuta: Elutxeta, Iparragirre, Elorrabi, Otsua-enea, Olaizola, Goiko-Lastola eta Larre-Gain.
18:30 Bertso Jaialdia: Eli Pagola, Maialen Lujanbio, Andonio Egaña, Aitor Mendiluze eta Igor Elortza.
Errifa zozketa egin ondoren, jaiei amaiera emango zaie suziriekin.
AUTOBUS ZERBITZUA
Gaur
Hernanitik (Zinkoenea) Ereñotzura: 00:00etan eta 03:00etan.
Ereñotzutik Hernanira: 00:00etan, 03:30etan eta 07:00etan.